منتديات شباب جبله والساحل السوري

اهلا وسهلا بك زائرنا الكريم
بامكانك التسجيل معنا على الضغط على زر التسجيل
يجب عليك التسجيل بايميل صحيح لانك سوف تضتر الى
تفعيل حسابك عن طريق الايميل
شاكرين لك تعاونك

منتديات شباب وصبايا جبله والساحل السوري عامه


    قصيده لاحمد فؤاد نجم

    شاطر

    العاشق المتيم
    جبلاوي جديد
    جبلاوي جديد

    عدد المساهمات : 28
    تاريخ التسجيل : 29/11/2010

    قصيده لاحمد فؤاد نجم

    مُساهمة من طرف العاشق المتيم في الثلاثاء ديسمبر 14, 2010 12:40 am



    قصيدة رائعة لاحمد فؤاد نجم يتمنى فيها " الحشـيــش





    نفسى فى صنف حشيش

    ينمل الدماغ وينظف النخاشيش

    علشان انسى طابور العيش



    واخش فى الغيبوبه وانسى مشكلة الانبوبه

    وانسى بلدنا المنهوبه

    وانسى اللى بيجهزوه علشان يبقى رئيس للمخروبه

    وابقى مسطول

    وانسى اى مسئول
    من اللى سابوا الناس فى السيول

    وانسى ان نظيف اتجوز وبقى بيعول

    وانسى مجلس الشعب وفتحى سرور
    وانسى البرادعى وايمن نور
    وانسى شوبير ومرتضى منصور

    وانسى تعديل الدستور

    وانسى اللى ساكنين فى القبور

    وانسى انفلونزا الطيور

    وانسى مشاريعنا الفاشله
    فى توشكى وابو طرطور

    واخش فى الاستهبال

    وانسى علاء وجمال

    وانسى التوريث
    و النيل اللى نازلين فيه تلويث

    وانسى ان منتخبنا كويس زى ماقال الريس

    وانسى تصدير الغاز
    واحنا عندنا ازمة بوتاجاز

    وانسى قطر العياط
    وانسى قطر الصعيد

    وانسى احمد عز واحتكار الحديد

    وانسى زحمة المواصلات

    وانسى الانتخابات

    وانسى فتاوى الفضائيات

    وانسى العشوائيات

    وانسى فشل التعليم

    وانسى هشام طلعت وسوزان تميم

    وانسى الاهرام وانسى الاخبار

    وانسى ثروة الريس ال40 مليار

    اللى مش بالجنيه المعفن لا بالدولار

    وانسى انه خلى بلدنا افقر من زنجبار

    وانسى المعارضه وانسى الاحزاب

    وانسى تامر حسنى وعمرو دياب

    وانسى ارضاع الكبير وشرب بول البعير

    وانسى انفلونزا الخنازير

    وانسى اوروبا وامريكا وانسى الصين
    المتقدمين عننا بسنين

    وانسى البيت بيتك و تامر امين

    وانسى ان كيلو اللحمه بقى بتمانين

    وانسى اننا فى الزباله غرقانين

    وانسى الماده سته وسبعين
    والماده سبعه وسبعين

    وانسى فريق الساجدين

    وانسى الزمالك والاهلي
    وانسى اليسا وهيفاء وهبي

    وانسى الفول والطعميه

    وازهى عصور الديموقراطيه

    وجامعة الدول العربيه

    والجماهيريه الليبيه

    والكفيل فى السعوديه

    وانسى بطرس غالى و الضريبه العقاريه

    وانسى الطلعه الاولى الجويه

    والمصالحه الفلسطينيه

    وانسى فتح وانسى حماس
    وانسى هنيه ومحمود عباس

    وانسى العراق وافغانستان
    وانسى ايران و انسى باكستان

    وانسى ماما سوزان
    وانسى الاخوان
    وانسى محمد ابراهيم سليمان

    وانسى ان حد من 0900 يطلع كسبان

    وانسى انى مديون

    وانسى كل ممثله حيزبون
    بتاخد فى المسلسل كام مليون

    وانسى ايامنا السوده
    واحضان طنطاوى والبابا شنوده

    وانسى القذافى والبشير
    وانسى كل ملك وكل امير
    اللى حاكمين من سنين
    من غير تغيير

    وعلشان اعرف ان الصنف كويس

    لازم ارشح نفسى وابقى الريس





      الوقت/التاريخ الآن هو الأحد ديسمبر 04, 2016 7:22 pm